الانضباط

اليوم أول حصة بعد العطلة مع قسم السابعة.
دخلت للكولاج، ساق القدام وساق التالي
في الحقيقة، النفحة طارت
برنامج جديد، ويحبوه ينجح في لابو مافيشي انترنت وحواسيب تشكي لربي، ويحبوني نعمل مشاريع مع تلامذتي في ساعة كل أسبوع.
المفيد، دخلت وآني نحضر في روحي نفسانيا لأركح وريض، واغزر وتبع، وسيب…
كي وصلت للقسم، تفاجأت بتصرف تلامذتي
لقيتهم شادين الصف قدام القاعة
اليد اليمنى على كتف الي قدامهم
اليد اليسرى مستقيمة مع الرجل اليسرى
الرجلين مغلقتين متقاربتين
الرأس مستقيم، والوجه ينظر إلى الأمام
الصمت التام
في انتظار كوني نعطيهم الإذن باش يدخلو
الساحة كانت تغلي بالتلامذة والحس والجري والضحك والعياط، تقولش سوق الأحد
لكن تلامذتي كانو كيما علمتهم في الثلاثي الأول، شادين الصف، هادئين، منتظرين بداية الحصة.
المشهد أثر فيا برشا، وصلت أخيرا باش نعلم مجموعة من التلامذة أهم معنى من التعليم، الانظباط.
دخلت للقسم بروح جديدة،
بروح كنت فقدتها منذ سنوات
شكرا لأبنائي.

Leave Comment

Your email address will not be published. Required fields are marked *